LAI

Posted on Saturday, November 23, 2013by
November 23
 Kigin Ni

LAI

SIMDING:
2 Korin 3:1-11

Khris’ sawltakte  na hi uha... laitui le laikung tawh a kigelh hilo-in Pasian’ Kha Siangtho tawh a kigelh ahi hi.––2 Korin 3:3

KUMTAWN LAI SIANGTHO:
Ezekiel 20-21
James 5

November 1963 ni khat sungin John F. Kennedy thau tawh kikap luma, tua ni mahin makai minthang C.S. Lewis zong si hi. Amah pen Oxford ah laihilh siam khat hi-a, biakna neilo panin Khristian hong suak hi-in, laigelh siam mahmah hi. Pilna tawh kisai laibute, nate’ thu, naupangte’ tangthubu, le a dang lai tuamtuamte pen Khristian nuntakna adingin a thupi mahmah laibute ahi hi. Tua laibute tungtawnin Pasian in nasem a a nuntakna kikheelin, gam makai khat le Nobel Prize pahtawina angah Scientist khat zong kihel uh hi.
 
   Laigelh khiatna tawh Pasian’ thu taangko khiat ding sapna i ngah a, tua bek hilo-in a ummi khempeuh “Ama’ laikhak” ahih keileh Jesuh’ laikung-te ihi hi. Sawltak Paul in, “Khris’ sawltakte na hi uha... laitui le laikung tawh a kigelh hilo-in Pasian’ Kha Siangtho tawh a kigelh ahi hi” (2 Kor. 3:3) ci hi. 

    Paul in eite pen Pasian’ laimal kigelhna laidalte hihang ci-a hong gen nuam hilo hi. A nungta laite i hih manin Jesuh Khris in i nuntakna tungtawnin bangci ciang nasem hiam cihte lakkhia thei-in, picinna tawh kalsuan thei ding, cihna hizaw hi.
  
  C.S. Lewis’ sep bangin mi khempeuh in hihzo pah lo ding hanga, ahi zongin eite hong it-in, i nuntakna hong honkhia pa’ minthanna ding hong sapte i hi hi!– Dennis Fisher

Topa, Nang nong koihna bangbangah Nangma-a ding tecite ka hi uh hi. Nisim ka nuntakna pen a kiphuangkhia nuntakna ahihlam ka thei hi. Midangte’n Nang hong theihnop nading le Nong piak nuntakna bucing a neih theih nading uh hilh ta in.

Midangte’ sim theih dinga kigelh Khris’ “lungkimpihna lai” i hi hi.

KHUHCIP

Posted on Friday, November 22, 2013by
November 22
 Ni Nga

KHUHCIP

SIMDING:
Luka 1:26-38

Nangma tungah Kha Siangtho hong tung dinga, nangma tungah Pasian’ vangliatna hong tung ding hi. –– Luka 1:35

KUMTAWN LAI SIANGTHO:
 Ezekiel 18-19
 James 4

Tuma kum 50 hun lai-in US Kumpi John F. Kennedy a kisuamlup ciangin leitungbup linglawng hi. A zingciang bangin The Time ah hih thupiang hangin leitung sum zuakna dongah a kizelhna kigelh hi. A thulu ah, “US aa thupiangin leitungbup khuhcip mawk hi” ci-in taangko hi. 

    Tua bang sihna, kamsiatna, thupiang khat peuhpeuh in leitung a khuhcipna tuak thei zeuhzeuh hihang. Tua bang mahin pasal a nei nailo numeino khat zong tanglai peka a kikamciamsa Messiah, ama sung pan piang ding cih kitaangko hi (Luka 1:26-33). Bang ci pian theih ding, ci-in a dotkik ciangin vantung mi Gabriel in, “Nangma tungah Kha Siangtho hong tung dinga, nangma tungah tungah Pasian’ vangliatna hong om ding hi” (tg. 35) ci hi.
 
   Mary’ nuntakna pen khim khuazing tawh kidim lo-in Pasian’ vangliatna in khuhcip ding ahihna hih mun ah kimu thei hi. Ama’ dawnkikna zong a lamdang veve khat: “Na gensa bangin keima tungah hong piang tahen” (tg. 38) ci hi.
  
  Hong tung ding Nipite enkhol lecin, Jesuh mi banga hong suah ding hun hita hi. Tua bang hun-ah “khuhcip” cih kammal i ngaihsut phat mahmah ding kisam hi. Tua in Pasian’ ompihna eite lungtang sungah vanglian takin hong pai nading le Ama’ vangliatna in khim bang azing leitungah khuavak hong taangsak ding ahi hi.—David McCasland 

    Ama’ hong itna tawh kei hong kituam ta,
        Bei theilo itna, kikheel ngei kei,
    Ama’ hong itna in kei hong khuhcip den,
        Kei ka tawlnga phiuphiau ta. —Ironside

Hun citengah Pasian’ itna le vangliatna in hong khuhcip hi.

TUA MIN

Posted on Thursday, November 21, 2013by
November 21
 Ni Li 


TUA MIN

SIMDING:
Filippi 2:5-11


Pasian in a lian penin amah koih a, min lian dang khempeuh sangin a min lianzaw-in a koih hi.
––Filippi 2:9


KUMTAWN LAI SIANGTHO:
Ezekiel 16-17
James 3

Ka tunu Maggie le a innkuanpihte Michigan pan Missouri ah ciahkik uh hi. Anu in a genna ah inn a ciah tuungin, “Michigan! Michigan!” ci-in awngin kileh kawikawi hi, ci hi.
  
  Maggie in tua min ngaih baangsa hi ding hi. Lawhnop zong sa hi ding hi. Hih mun ah hun a zat pen zong nuamsa himai ding hi. Khat (1) apha pan tua naupangnu adingin “Michigan” pen ama’ kam ah khum zunghzungh hi ding hi.
 
    Tua in ka lungsim sungah khat hong phawksak a - Jesuh “min khempeuh sang min lian pen” ahi hi (Fil. 2:9). Gaither-te laphuah khat in tua i ngaih Ama’ min hong pulaak hi. Amah pen “Topa” le “Honpa” ahi hi. Himah hi. I Topa’ pianzia a pulaak min in bangzah-in thuuk, cih na ngaihsun ngei hiam! Jesuh ama’ gumpa dingin a kitaangsam mite tung, tua min va gen ni.
 
    Jesuh pen hong gumpa hi. Asi manpha tawh hong tankhia a, i nuntakna buppi ama’ tungah i ki-ap thei hi. Jesuh. Leitung le vantung in pahtawi den tahen! – Dave Branon

  Jesuh, Jesuh, Jesuh;
Tua min mahmah lian sa hiveng!
Ka Topa le kei hong Honpa,
Thulguah luang nua gimnam theng mawh bang!---Gaither

Min ngaih taktak Jesuh bek hi.

LUNGSIM TAKPI TAWH

Posted on Wednesday, November 20, 2013by
November 20
Nilai

LUNGSIM TAKPI TAWH

SIMDING:
Filippi 2:1-5

Note’ phattuam nading bek ngaihsun kei unla, midangte’ phattuamna ding ngaihsutsak zaw un.––Filippi 2:4


KUMTAWN LAI SIANGTHO:
Ezekiel 14-15
James 2

Innkuan kuanin mun dang khat-ah giahphual satna khat-ah, makaipa in  kaal khat sung ka sep ding teng uh hong gen hi. Aman ciangin, na gennop uh a om hiam, ci-in hong dong hi. Naupang numei khat in huhna khat ngen hi. A sanggampa khat huh ding a kisam mahmah ahihna hong genkhia hi. Amau’ innkuan ah tua bang pen haksa mahmah a, tua Nipi kaal sung akhoipih ding uh huhna ngen hi. Tua in a sanggampa a itna le a nulepa a khualna zong hipah hi. Tua Nipi kaal sung tawntung tua innkuan pen mi khempeuh in va huh uh hi.
  
  Tua bang numeino nu ii kutna pen thupi mahmah khat ahi hi. Ei le ei omin, nop i sak mahmah zen hangin, mite’ lungkhamnate i theihpih man kei hi. Tua ahih manin Paul in i vaipuak ding hong gena: “Mi khat peuh in ama’ ading cilo-in, midang ading zongin ngaihsun ta hen” (Fil. 2:4) ci hi. Tua zomah zong Khris’ nasepna ahi: “Jesuh Khris’ lungsim bang na neih ding uh ahi hi” ci-in vaikhak lai hi.
    
Mite i huh ciangin Khris’ lungsim bang teekin i huh ding akul ahi hi. Pasian’ hehpihna tawh nungta-in, midangte’ kisap hunhun-in i va huh theih ding ahi hi.–Bill Crowder

    
Topa, gimna athuak mite, a kisam mite, a vakvai mite a musiam ding ka mit hong honsak in.
Amaute in Nangma’ itna kisam uh hi.
Tua banga a thuak mite tungah Nangma’ itna
a piakhia thei dingin keimah hong zang in.

Mite’ natna i va don ding pen a kiseh theilo man nei hi.

KHUALZINPIH LAWM

Posted on Tuesday, November 19, 2013by
November 19
 Ni Nih 

KHUALZINPIH LAWM

SIMDING:
Late 39

Kei pen khualmi ka hi-a, ka pu ka pate bangin peemta ka hi hi.––Late 39:12


KUMTAWN LAI SIANGTHO:
Ezekiel 11-13
James 1

Tunai-in ka sangkah lai-a ka lawmte tawh ka kizaih maan (photo) te ka enkik a, ka lawmte atamzaw in hong sihsan ta uh hi. Tua bang ka ngaihsut ciangin khasiat huai mahmah hi. Kum (70) kiim dong nuntak khuan i nei hi (Late 90:10). Laphuak pa genna pen thuman hi: eite pen mikhual hi-in, peemta bang i hihi (39:12). 

    Leitung nuntak tomna in i tawpna hun hong musaka, i hun le nite a manlang lam (tg.4) hong telsak hi. Tawpna hun hong naisemsem i thei hi. Hih leitung i inn hilo a; eite khualmi bang i hilel hi. 

    Tua khualzinna ah eibek i hi kei hi. Pasian tawh a kibangin khualzin mi ihi hi (39:12). Tua in eite hong khamuang saka, launa le dipkuatna pan hong nuamtuamsak hi.  Hih leitung le hong pai lai ding leitung ah hong it den Topa tawh khual i zin a, Amah’n hong makaih lai hi. Eite khualmi i hi hi, ahi zongin eibek i hi kei hi (73:23-24). “Nang tawh kong omkhawm den hi” (Matt. 28:20) hong ci khat i nei gige hi. 

    I pa, nu, zi/pasal, le lawmte in hong paisan kha ding a, Pasian eite tawh hong om den cih i mangngilh ngei kei ding hi. Mipil thuciin khat ah: “Khualzin pih lawm hoih in i vante hong zaangsak hi” kici hi.—David Roper

Ka hunte ka Pa’ khut sung om;
Kei’n bang ngen nawn ding?
Kei lampi ding a sial Pa in
Ka khualzin tawp dong hong makaih ding. —Fraser

Lampi sau-in na khualzin a hamsat ciang, Na vangik Jesuh suat ding mangngilh ke’n.

HONG CIAHKIK IN

Posted on Monday, November 18, 2013by
November 18
 Nipi Khuavaak 

HONG CIAHKIK IN


SIMDING:
Nehemiah 9:7-21

Nang pen mawhna amaisak nuam, dikin hehpihna anei, lungduai-in itna kip anei Pasian na hihi. ---Nehemiah 9:17


KUMTAWN LAI SIANGTHO:
Ezekiel 8-10
Hebru 13

Jim kum 10 aphakin Khris’ nung zuih ding khensat hi. Kum 15 khit ciangin tua khensatna maimang hi. Tawmvei sung kimang ngaihsutna tawh khensatna anei pak bek hi-a, a gamtat hoih lo mawk hi. A nuntakna nungtolh hi. A nasep mapai lo hi. A innkuan sungah mi thum a kizomin si hi. Dahna le khalauna in Jim tuamcip a, cihna ding a theihloh laitak Late 121:2 na simkha-a: “Van le lei abawl Topa’ kiang panin keimah huhna hong pai hi.” Tua kammal in a launa teng beisak hi. Topa tungah khatvei kiko kika, Pasian in sang hi.
  
  Jim’ nuntakna ka ngaihsut ciang taanglai Israel mite ka phawk hi. Israel mite pen Pasian tawh kizopna a khauhpaite hi uha, Pasian in amau teel hi (Neh. 9:1-15). Ahi zongin amaute in Pasian langpan uha, amau ngaihsut bangin kalsuan uh hi (Neh. tg.16-21). Amawhna panun a kisik kik ciangin Pasian in “maisak-in, dikna le hehpihna nei-a, lungduai-in itna kip nei hi” (tg. 17).
  
  Eite i vakvai hun nangawn-in hihte in Pasian kiang i zuat nading hong tawsawn thute ahi hi. I mawhna le tatkhialhna nusia-in Pasian’ lampi tawn lehang, Amah in eite a hong itna hong lakin Amah tawh kinai takin na nungta khawm thei ding hi. – Jennifer Benson Schuldt

Maitai-in damtak Jesuh in hong sam hi,
Nang le keimah hong sam hi;
Topa Jesuh’n lungduai takin hong ngak hi,
Nang le keimah hong ngak hi. ––Thompson

Pasian’ itna khutte kihong den hi.

17 NOV PROGRAM

Posted on Sunday, November 17, 2013by
Lai Siangtho Sinna(Matt 1422-36)~Asst. Pastor Zam Khen Khai

Siampi thungetna~Rev. Gin Lian Tuang
 
asdf
Biakinn sumpi apna leh donna~Pa Hang Za Thawn
 
Yuzana Homecell~ Phatna La
 

Phatna La~ Pawlpi Innkuante
 

Sumpi apna(Doxology)~Pi Ning Ngaih Kian
 
07.Lapawl~Church Choir
 
08.HUNTAWH TONKHAWM TAPIDAW INNKUAN
 
17 Nov 2013 by Lu Nux



09.မိန္႔ခြန္းေျပာၾကားျခင္း~သိကၡာေတာ္ရ ေစာစမ္စန္
 
အလိုေတာ္သညါ ျမန္မာႏိုင္ငံ၌ ျပည့္စံုပါေစေသာ္ Revd. Dr. S. Pau Khan En
 
Appraisal
 























MAWHNA TUNG THUNEI

Posted on Sunday, November 17, 2013by
November 17
Nipi

MAWHNA TUNG THUNEI

SIMDING:
1 Johan 1


Lungsim siang hong guan in, Topa.––Late 51:10


KUMTAWN LAI SIANGTHO:
Ezekiel 5-7
Hebru 12

Hun khat lai-in a dawnkik haksa mahmah dotna khat hong nei hi: “Mawhna kihello sawtvei na sep zawh pen khat hong gen in - kaal khat sung maw, ni khat maw, nai khat?” Tua bang dotna bangci dawn ding ihiam? Gen siang ding hileng, “Mawhlo-in ni khat hun bei thei ke’ng” aci ding vive hihang. Abeisa Nipi kaal sung enkik lehang, Pasian kiangah i mawhna khat beek i pulaak loh hun tampi om hi. Nipi kaal khat sung mawhvet ke’ng i kicih leh bel, ei le ei a kikheem i hilel hi. 

    Pasian in i lungsim hong thei-in, Ama’ Kha Siangtho in zong hong hilh theizel hi. Ei le ei i kitheih leh, 1 Johan 1:8 na-ah, “Mawhna ka nei kei hi i cihleh, ei le ei a kikheem ihi-a, i sungah thuman om thei lo hi.” Tg. 10 na bang ei-a dingin i ngaihsut ciang: “Mawhna nei ke’ng aci mi peuhmah sungah Ama’ thuman om lo hi” ci lailai hi. 

    Ei le ei i kidot lai dingah: “I mawhna i pulaak ciang, Pasian in koici bangin hong dawng kik hiam?” cih ahi hi. Tua pen: “I mawhna i pulaak ciangin.... Amah thuman-in, citak a hong maisak hi” (tg. 9) ci hi. Jesuh in mawhna thaman khempeuh sihna le thawhkikna tawh gualzo khin hi. Tua ahih manin lungsim siang i sungah hong koihsak khin zo hi (Late 51:10). Ka lawm Jaydon’ genna ah: “Jesuh pen mawhna tungah thunei pa hi” acih pen thuman ahi hi. ––Anne Cetas

Ka mawhna maisak kul kei
Kuamah’n ci thei kei,
Upna tawh Khris kiang i zuat kula,
Ama’ sungah nuntakna man neih ding kisam. —Branon

Khris hong maisakna in nuntakna thak ah akihong kongkhakpi hi.
Subscribe to: Posts (Atom)