SUANGPI
November 9
Kigin Ni
SUANGPI
SIMDING:
Matthai 7:24-27;
Efesa 2:18-22
Jesuh Khris mahmah zong tua suangpi ahi hi.––Efesa 2:20
KUMTAWN LAI SIANGTHO:
Jeremiah 46-47
Hebru 6
Massachusetts ah khual ka zin lai-un, US gam ii mun thupi mahmah khat ahi Plymouth Rock a kici suangpi ka pasal tawh ka va en uh hi. Tangthu kiciaptehna ah 1620 kiim Mayflower tembaw tawh America gam a kimuhkhiat tuung lai-in hih mun sik masa pen hi, kici hi. Tua mun ii thupitna ka theih khit uh ciangin, tua mun pen mun neuno bek ahihna ka muh uh ciang ka lungkim thei kei pong hi. Kum sawt khin ahihna le abek bekin kiakhia ahih ciang a tuung acia ii seh thum suah seh khat bek na omlai hi.
Lai Siangtho in Jesuh pen Suangpi (1 Kor. 10:4), kikheel ngeilo (Heb. 13:8) ci hi. I nuntakna a kilamna ding suangpi ahi hi. Pawlpi pen “Jesuh Khris ahi innkhuam suang” tungah kinga hi. Ama’ sungah thu-um mi khempeuh i kizom diudeu hi (Efesa 2:20-22).
Jesuh pen huihpi le tuihual laka i belhna ding Suangpi ahi hi (Matt. 7:25). Laigelh L’Engel in: “I nuai-a om niin-te i phiat siang zel ding hoih hi. Bang hang hiam cih leh, i dinna pen suang tung maw, sehnel lak cih i muh ding hong khaktan thei hi” ci hi.
Plymouth suang pen bel tangthu tawh kisai-in thupi mahmah ciaptehna khat hi. Ahi zong, Jesuh pen a manpha innkiu suang hong hi khina, ama tungah a kinga mi peuh mah mi lungmuang ahi uh hi.___Cindy Hess Kasper
Suangpi tungah munmuang ta’ng,
Tua bulkip a muanhuai,
Tua lam-etna in bei ngei nawnlo ding,
Eite hong gumkhia hi – Belden
Suangpi ahi Khris, eite’ lam-et kicinna hi.
Kigin Ni
SUANGPI
SIMDING:
Matthai 7:24-27;
Efesa 2:18-22
Jesuh Khris mahmah zong tua suangpi ahi hi.––Efesa 2:20
KUMTAWN LAI SIANGTHO:
Jeremiah 46-47
Hebru 6
Massachusetts ah khual ka zin lai-un, US gam ii mun thupi mahmah khat ahi Plymouth Rock a kici suangpi ka pasal tawh ka va en uh hi. Tangthu kiciaptehna ah 1620 kiim Mayflower tembaw tawh America gam a kimuhkhiat tuung lai-in hih mun sik masa pen hi, kici hi. Tua mun ii thupitna ka theih khit uh ciangin, tua mun pen mun neuno bek ahihna ka muh uh ciang ka lungkim thei kei pong hi. Kum sawt khin ahihna le abek bekin kiakhia ahih ciang a tuung acia ii seh thum suah seh khat bek na omlai hi.
Lai Siangtho in Jesuh pen Suangpi (1 Kor. 10:4), kikheel ngeilo (Heb. 13:8) ci hi. I nuntakna a kilamna ding suangpi ahi hi. Pawlpi pen “Jesuh Khris ahi innkhuam suang” tungah kinga hi. Ama’ sungah thu-um mi khempeuh i kizom diudeu hi (Efesa 2:20-22).
Jesuh pen huihpi le tuihual laka i belhna ding Suangpi ahi hi (Matt. 7:25). Laigelh L’Engel in: “I nuai-a om niin-te i phiat siang zel ding hoih hi. Bang hang hiam cih leh, i dinna pen suang tung maw, sehnel lak cih i muh ding hong khaktan thei hi” ci hi.
Plymouth suang pen bel tangthu tawh kisai-in thupi mahmah ciaptehna khat hi. Ahi zong, Jesuh pen a manpha innkiu suang hong hi khina, ama tungah a kinga mi peuh mah mi lungmuang ahi uh hi.___Cindy Hess Kasper
Suangpi tungah munmuang ta’ng,
Tua bulkip a muanhuai,
Tua lam-etna in bei ngei nawnlo ding,
Eite hong gumkhia hi – Belden
Suangpi ahi Khris, eite’ lam-et kicinna hi.
Piakkhiatna Thupha
November 8
Ni Nga
PIAKKHIATNA THUPHA
SIMDING:
Marka 12:38-44
Ngahna sangin piakna ah lungdamna omzaw hi.–– Sawltak 20:35
KUMTAWN LAI SIANGTHO:
Jeremiah 43-45
Hebru 5
Meigong khat ii piakkhiatna khat pen Jerusalem khuapi sunga biakna mun tualpi adingin cihtham mahmahlo sam hi. Tua sunga nasemte in ahih leh tua sum kikhiate a paina a bul kan lopi-in auau sa-in om lel uh hi (Mark 12:40). Meigong khat in sumpi akhiat amu Jesuh in tua nu’ lungsim puakzia kilangsak nuam hi (tg. 41-44).
Gordon Cosby in Washington DC ah Pastor a sep laitak meigong nupi khat ii sum ngahna pen a ta guk-te vaak zawh nading kicinglo ahih lam tak thei hi. Ahi zongin tua meigong nu in kalsim-in sumbung sungah $4 ta khia den mawk hi. Tua bang amu Upapa in pastor pa kiangah tua nupi nu kiangah va pai inla, ama’ inn sung kisapna-ah zat ding va genpih in, ci-in ngaihsutna va pia hi.
Pastor Cosby in zong tua bangin va pai takpi-a, ahi zongin a lam-et na banglo mawk hi. “Nang, ka neihsun khat hong sut sawm na hi hiam?” ci-in dawng ek mawk hi. Tua nupi nu in piakkhiatna thuthuuk thei khinta hi: a piakhia-te in a ngahte sangin lungdam zaw uh hi. Mizawngte in bel sum le pai huh ding kisam mah uh hi. Ahi zongin piakkhiat ding thu pen ngahna ding thu zahin thupi zawlai hi.
Piakkhiatna in Pasian’ hehpihna sunga nungta eite hong kiphawksak a, vasate le paak kung bang bekte i hilel hi. Amaute in mailam hun ding patauh-in neilo uha, ei zong tua bang ding ihi hi. Piakkhiatna ii hong hilh thu khat in Pasian in vasate le paak kungte don ahih leh, eite zong hong don ding hi cih hong theisak hi (Matt. 6:25-34).___Philip Yancey
Bang peuh kong pia zong un,
Nang azah tampi nong pia Topa,
Tua hi, ke’n Nang lungdam takin,
Nang kong pia ding, Nang nong piakhin. __Wordsworth
Sum ii vaangliatna khempeuh piakkhiatna tawh i zozo hi.
Ni Nga
PIAKKHIATNA THUPHA
SIMDING:
Marka 12:38-44
Ngahna sangin piakna ah lungdamna omzaw hi.–– Sawltak 20:35
KUMTAWN LAI SIANGTHO:
Jeremiah 43-45
Hebru 5
Meigong khat ii piakkhiatna khat pen Jerusalem khuapi sunga biakna mun tualpi adingin cihtham mahmahlo sam hi. Tua sunga nasemte in ahih leh tua sum kikhiate a paina a bul kan lopi-in auau sa-in om lel uh hi (Mark 12:40). Meigong khat in sumpi akhiat amu Jesuh in tua nu’ lungsim puakzia kilangsak nuam hi (tg. 41-44).
Gordon Cosby in Washington DC ah Pastor a sep laitak meigong nupi khat ii sum ngahna pen a ta guk-te vaak zawh nading kicinglo ahih lam tak thei hi. Ahi zongin tua meigong nu in kalsim-in sumbung sungah $4 ta khia den mawk hi. Tua bang amu Upapa in pastor pa kiangah tua nupi nu kiangah va pai inla, ama’ inn sung kisapna-ah zat ding va genpih in, ci-in ngaihsutna va pia hi.
Pastor Cosby in zong tua bangin va pai takpi-a, ahi zongin a lam-et na banglo mawk hi. “Nang, ka neihsun khat hong sut sawm na hi hiam?” ci-in dawng ek mawk hi. Tua nupi nu in piakkhiatna thuthuuk thei khinta hi: a piakhia-te in a ngahte sangin lungdam zaw uh hi. Mizawngte in bel sum le pai huh ding kisam mah uh hi. Ahi zongin piakkhiat ding thu pen ngahna ding thu zahin thupi zawlai hi.
Piakkhiatna in Pasian’ hehpihna sunga nungta eite hong kiphawksak a, vasate le paak kung bang bekte i hilel hi. Amaute in mailam hun ding patauh-in neilo uha, ei zong tua bang ding ihi hi. Piakkhiatna ii hong hilh thu khat in Pasian in vasate le paak kungte don ahih leh, eite zong hong don ding hi cih hong theisak hi (Matt. 6:25-34).___Philip Yancey
Bang peuh kong pia zong un,
Nang azah tampi nong pia Topa,
Tua hi, ke’n Nang lungdam takin,
Nang kong pia ding, Nang nong piakhin. __Wordsworth
Sum ii vaangliatna khempeuh piakkhiatna tawh i zozo hi.
Nihvei Gualzo
November 7
Ni Li
NIHVEI GUALZO
SIMDING:
2 Samuel 5:17-25
David in Pasian tungah dong hi. ---2 Samuel 5:19
KUMTAWN LAI SIANGTHO:
Jeremiah 40-42
Hebru 4
Kumpi David in a do ngei gal khat do ding hong kipan leuleu hi. Tuucing naupang ahih lai-in Filistine’ galhang Goliath suang tum tawh gualzo ngei hi (1 Sam. 17). Tu-in ahih leh, David pen Israel-te’ kumpi hita a, Filistine-te tawh kisim leuleu uh hi. Kumpi za a ngahlam a theih uh ciangin a do dingin hong kuan uh hi (2 Sam. 5:17).
Haksatna i tuah khak ciang bang hih masa pen i hia? I buai thei hi. Ahih keileh, i kiging hi. Ahih keileh, David bangin thu i ngen hi. “David in Pasian tungah dong hi” (tg. 19) ci-a Pasian in makaih takpi hi.
Filistine mite tawh mun nih ah kimu ngei uha - Baal Perazim le Rephaim kuampi ah ahi hi. Pasian a kuppih pen lam hoih penpen hi-a, galpi do ding nih ah dozia kibang theilo hi. Amasa zaw ah, Pasian in Ama’ tha tawh agalte uh zawhsak ziau hi: “Topa in nuaimang hi” ci-in David in ciamteh hi (tg. 20). A nihna leuleu ciangin David in a sim dingin geelsak a, tua bang mahin Israel mite in zo takpi uh hi (tg. 23-25).
Nisimin patauhna ding thu tampi i tuakkha hi. Lam khat bek tawh gal khempeuh kizolo-a, Pasian i dot masak kul hamtang hi. Amah in hong makaih ciang bekin, Ama’ sungah lungmuanna i ngah thei hi. Ama’ hong makaihna bek in gualzawhna hong pai hi. Minthanna khempeuh Topa-a hi tawntung hi. ---Dave Branon
Thahat khempeuh gualzo kei,
Taihat khempeuh mualsuak kei;
A thuman le citak mite
Hehpihna hangin gualzawhna ngah thei. --Crosby
Haksatna namkim na do zawh nading, khukdinna tawh hun la in.
Ni Li
NIHVEI GUALZO
SIMDING:
2 Samuel 5:17-25
David in Pasian tungah dong hi. ---2 Samuel 5:19
KUMTAWN LAI SIANGTHO:
Jeremiah 40-42
Hebru 4
Kumpi David in a do ngei gal khat do ding hong kipan leuleu hi. Tuucing naupang ahih lai-in Filistine’ galhang Goliath suang tum tawh gualzo ngei hi (1 Sam. 17). Tu-in ahih leh, David pen Israel-te’ kumpi hita a, Filistine-te tawh kisim leuleu uh hi. Kumpi za a ngahlam a theih uh ciangin a do dingin hong kuan uh hi (2 Sam. 5:17).
Haksatna i tuah khak ciang bang hih masa pen i hia? I buai thei hi. Ahih keileh, i kiging hi. Ahih keileh, David bangin thu i ngen hi. “David in Pasian tungah dong hi” (tg. 19) ci-a Pasian in makaih takpi hi.
Filistine mite tawh mun nih ah kimu ngei uha - Baal Perazim le Rephaim kuampi ah ahi hi. Pasian a kuppih pen lam hoih penpen hi-a, galpi do ding nih ah dozia kibang theilo hi. Amasa zaw ah, Pasian in Ama’ tha tawh agalte uh zawhsak ziau hi: “Topa in nuaimang hi” ci-in David in ciamteh hi (tg. 20). A nihna leuleu ciangin David in a sim dingin geelsak a, tua bang mahin Israel mite in zo takpi uh hi (tg. 23-25).
Nisimin patauhna ding thu tampi i tuakkha hi. Lam khat bek tawh gal khempeuh kizolo-a, Pasian i dot masak kul hamtang hi. Amah in hong makaih ciang bekin, Ama’ sungah lungmuanna i ngah thei hi. Ama’ hong makaihna bek in gualzawhna hong pai hi. Minthanna khempeuh Topa-a hi tawntung hi. ---Dave Branon
Thahat khempeuh gualzo kei,
Taihat khempeuh mualsuak kei;
A thuman le citak mite
Hehpihna hangin gualzawhna ngah thei. --Crosby
Haksatna namkim na do zawh nading, khukdinna tawh hun la in.
Practicing for Choir Competition (HQ Video)
YCBCF La kidemna:
17 November 2013 ni, TBC-Y ah kibawl ding YCBCF Combine Service ah la kidemna ding la kisinsin ta hi. Numei Pasal kihel kim ciat ni! Tua hun ah YCBCF Tan (10) Topten ngahte zong pahtawina kipia ding hi.
Nate' Hun
November 6
Nilai
NATE’ HUN
SIMDING:
Thuhilhsia 3:1-8
Na khempeuh in hun sehsa neiciat hi.---Thuhilhsia 3:1
KUMTAWN LAI SIANGTHO:
Jeremiah 37-39
Hebru 3
1960 kiimin, lasa siam The Byrds-te’ la “Turn! Turn! Turn!” a cih pen minthang mahmah hi. Billboard ah a minthang penin zong sauveipi om hi. Tua hun lai-a mite in tua lamal pen deih tek uh hi. Tua lamalte pen Thuciam Lui Thuhilhsia sunga lamalte a zangkik na hi citciat hi.
“Na khempeuh in hun sehsa neiciat hi” ci-in Thuhilhsia in gen hi. Mihing nuntakna ah a kituak theizel thute ahi: nausuahna le sihna, ngahna le zatna, khitui le nuamna, dahna le lungdamna cih bangte ahi hi. Leitung khuahun a kikheel mah bangin i nuntakna zong kikheel den hi. Kibang den cih bang om theilo hi. I nuntakna ah kikheel ding i lam-en mahmah hi. Ahi zongin i ngaihsut zawhloh hun zong omzel hi. Sihna le supna i tuah ciang thuak hak i sa penpen hi. Tua hun mah panin i Biak Topa Pasian kikheel ngeilo hi, cih pen lungdam takin i theih ding kisam hi. “Kei in na Topa Pasian ka hi hi, ka kikheel ngei kei hi” (Malakhi 3:6) ci-in Pasian in gen hi.
Pasian pen kikheel ngeilo ahih manin, a kikheel hunte sungah Ama’ tungah i kinga den ding hi. Ama’ hong ompihna in eite tungah om paisuak hi (Late 46:1). Ama’ daihna in i lungsim hong kemzo hi (Fil. 4:7). Ama’ itna in i khamuanna ahi hi (Rom. 8:39).---Jennifer Benson Schuldt
Kulhpi muanhuai Pasian hi a,
Sia theilo kidalna hi;
Tuikhang bang gimna ah bit a,
Sihna ding pan hong hon hi.---Luther
A kikheel ngeilo Pasian’ hihna in a kikheel den leitung ading i bukna ahi hi.
Nilai
NATE’ HUN
SIMDING:
Thuhilhsia 3:1-8
Na khempeuh in hun sehsa neiciat hi.---Thuhilhsia 3:1
KUMTAWN LAI SIANGTHO:
Jeremiah 37-39
Hebru 3
1960 kiimin, lasa siam The Byrds-te’ la “Turn! Turn! Turn!” a cih pen minthang mahmah hi. Billboard ah a minthang penin zong sauveipi om hi. Tua hun lai-a mite in tua lamal pen deih tek uh hi. Tua lamalte pen Thuciam Lui Thuhilhsia sunga lamalte a zangkik na hi citciat hi.
“Na khempeuh in hun sehsa neiciat hi” ci-in Thuhilhsia in gen hi. Mihing nuntakna ah a kituak theizel thute ahi: nausuahna le sihna, ngahna le zatna, khitui le nuamna, dahna le lungdamna cih bangte ahi hi. Leitung khuahun a kikheel mah bangin i nuntakna zong kikheel den hi. Kibang den cih bang om theilo hi. I nuntakna ah kikheel ding i lam-en mahmah hi. Ahi zongin i ngaihsut zawhloh hun zong omzel hi. Sihna le supna i tuah ciang thuak hak i sa penpen hi. Tua hun mah panin i Biak Topa Pasian kikheel ngeilo hi, cih pen lungdam takin i theih ding kisam hi. “Kei in na Topa Pasian ka hi hi, ka kikheel ngei kei hi” (Malakhi 3:6) ci-in Pasian in gen hi.
Pasian pen kikheel ngeilo ahih manin, a kikheel hunte sungah Ama’ tungah i kinga den ding hi. Ama’ hong ompihna in eite tungah om paisuak hi (Late 46:1). Ama’ daihna in i lungsim hong kemzo hi (Fil. 4:7). Ama’ itna in i khamuanna ahi hi (Rom. 8:39).---Jennifer Benson Schuldt
Kulhpi muanhuai Pasian hi a,
Sia theilo kidalna hi;
Tuikhang bang gimna ah bit a,
Sihna ding pan hong hon hi.---Luther
A kikheel ngeilo Pasian’ hihna in a kikheel den leitung ading i bukna ahi hi.
Leadership Training Revd Dr JM Ngul Khan Pau
 |
| Add caption |
Rev. Jm. Pau Pu Leadership TrainingOct 23 Am 1
Rev. Jm. Pau Pu Leadership Training Oct 23 Am 2
Rev. Jm. Pau Pu Leadership Training Oct 23 Pm 1
Rev. Jm. Pau Pu Leadership Training Oct 23 Pm 2
October 22-23 sung i Pawlpi ah Revd Dr JM Ngul Khan Pau le Sn. Lucy Engjadim-te in "Innkuan Thu" le "Kimakaihzia" cih thulu tawh thusinna hong neih pih hi.
Thungai mipi 100 kiim kipha-a, Siapa le Sianu tungtawnin thu manpha tampi ngah uh hi.
Church Pastor Pa in "Hih thusinna pen Biakinnpi Thak i honzawh a masa pen hi-a, neizom toto lai ding hihang. Pawlpi' ngimna ahi Khasung kimakaihna phualpi, Pilsinna phualpi, Kilawmtatna phualpi, Mission nasepna phualpi cihte a kibulphuh ahih manin hih thusinna panin khalam, pilna lam ngah kisa ing" ci-in hunkhak lungdamkoh thugenna ah pulaak hi.
Hong kihel mimal kim in amau' tuahkhak thu le lungdamna teci pannate nei tek uh hi.
TBC-Y Minister Fellowship in vaihawma, a bei khempeuh Pawlpi in si hi. Nupi kilawmtatna in zong panpih lai hi. Tua bek hilo 22 October 2013 nitak an pen Pa Kham Sian Pau-te' innkuan in Siate nupa vaak uha, 23 October 2013 nitak an pen Pa Thang Za Khawm-te nupa in vaak hi. Sm. Khup Lam Lun in zong neek theih singgah Siate ading hong piaksak hi. A sum abei innkuante Topa'n tampi tak tawh hong thuhsak kik ta hen!
Communication Committee
TBC-Y
GAMTAT HOIH THAMAN
November 5
Ni Nih
GAMTAT HOIH THAMAN
SIMDING:
2 Korin 5:1-11
Kote’ tup le ngim in... Pasian lungdamna ding ahi hi. __2 Korin 5:9
KUMTAWN LAI SIANGTHO:
Jeremiah 34-36
Hebru 2
Ka Pawlpi Naupang Nasepna ah, gamtat hoih naupangte laidal neu khat pia-in ka pahtawi uh hi. Tua laidalte amau zong limtakin kem uha lungdam kipaak mahmah uh hi. Tua bang ka hih uh ciangin gamtat hoih ding a hanciamna ka muh uh ciangin ka lungnuam mahmah hi.
Khatvei makai khat in kum (11) apha Tyree tungah tua laidal apiak leh, “Ka lungdam. Kei’n deih ke’ng. Gamtat hoih nuamzaw ing. Tua ading thaman deih tuan ke’ng” ci-in nial hi. Tua pa adingin apha-a gamtat ding pen thaman ahihlam tel hi.
Tua theihna pen ama’ lungsim sunga omsa hi-a tua a nuntakpih nuam bek hizaw hi. Jesuh a-um amuangte i hih mah bangin, ni khat ni ciang thaman i sang ding hi. 2 Korin 5:10 ah “leitungah i pumpi-in i omlai-in i gamtatna tawh kizui-in eite tawh a kituak ciatin a sia ahi a, apha ahi zongin a ngah ciat ding ihi hi” ci hi. Tua bang thaman i ngahna ding bek tawh gamtat hoihlo ding hihang. Tua hangin zong gupna ngah sawmlo ding hihang. Pasian ading nuntak ngiatna le amah lungdamsak ding pen na lunggulhna hisak in.
Pasian it i cih ciangin Amah i lungdamsak zawhna ding hi-a, Amah’n hong it masa-in (1 Johan 4:19), lungsim siangtho tak tawh Ama’ nasem ding (Pau. 16:2; 1 Kor. 4:5) hihang. I tup i ngim bulpi in Amah tawh omden ding hisak ni!– Anne Cetas
Ka ngaihsutna le genkhiat khempeuh,
Nangmah phat ding ka lunggulh,
Ka lungtupna lian pen ahih leh,
Kei ading asi Khris ka it theihna ding. ____D. DeHaanPasian i lungdamsak ding pen a sang pen Ama’ thuman’na ahi hi.
Ni Nih
GAMTAT HOIH THAMAN
SIMDING:
2 Korin 5:1-11
Kote’ tup le ngim in... Pasian lungdamna ding ahi hi. __2 Korin 5:9
KUMTAWN LAI SIANGTHO:
Jeremiah 34-36
Hebru 2
Ka Pawlpi Naupang Nasepna ah, gamtat hoih naupangte laidal neu khat pia-in ka pahtawi uh hi. Tua laidalte amau zong limtakin kem uha lungdam kipaak mahmah uh hi. Tua bang ka hih uh ciangin gamtat hoih ding a hanciamna ka muh uh ciangin ka lungnuam mahmah hi.
Khatvei makai khat in kum (11) apha Tyree tungah tua laidal apiak leh, “Ka lungdam. Kei’n deih ke’ng. Gamtat hoih nuamzaw ing. Tua ading thaman deih tuan ke’ng” ci-in nial hi. Tua pa adingin apha-a gamtat ding pen thaman ahihlam tel hi.
Tua theihna pen ama’ lungsim sunga omsa hi-a tua a nuntakpih nuam bek hizaw hi. Jesuh a-um amuangte i hih mah bangin, ni khat ni ciang thaman i sang ding hi. 2 Korin 5:10 ah “leitungah i pumpi-in i omlai-in i gamtatna tawh kizui-in eite tawh a kituak ciatin a sia ahi a, apha ahi zongin a ngah ciat ding ihi hi” ci hi. Tua bang thaman i ngahna ding bek tawh gamtat hoihlo ding hihang. Tua hangin zong gupna ngah sawmlo ding hihang. Pasian ading nuntak ngiatna le amah lungdamsak ding pen na lunggulhna hisak in.
Pasian it i cih ciangin Amah i lungdamsak zawhna ding hi-a, Amah’n hong it masa-in (1 Johan 4:19), lungsim siangtho tak tawh Ama’ nasem ding (Pau. 16:2; 1 Kor. 4:5) hihang. I tup i ngim bulpi in Amah tawh omden ding hisak ni!– Anne Cetas
Ka ngaihsutna le genkhiat khempeuh,
Nangmah phat ding ka lunggulh,
Ka lungtupna lian pen ahih leh,
Kei ading asi Khris ka it theihna ding. ____D. DeHaanPasian i lungdamsak ding pen a sang pen Ama’ thuman’na ahi hi.
Hanthotna “Dai Ta Un!” Church Pastor Rev. Dr. S. Pau Khan En
 |
| Hanthotna “Dai Ta Un!” (3 Nov 2013) |
Thusaksakna
Late
Alian 46
10 "Om hithiat un la, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi," a ci hi.
11 Vanglian Topa, eite tawh hong omkhawm a, Jakob' Pasian, eima belh ahi hi.
Marka
Alian 4
35 Tua ni mah a nitak ciangin Jesuh in a nungzuite kiangah, "Tui kantanin galkhat lamah pai ni," a ci hi.
36 Tua ahih ciangin a nungzuite in mihonpite nusia-in Jesuh a na tuan'nasa gunkuang tungah kahin a gunkuang tawh a paikhiatpih uh hi. Gunkuang dangte in zong amau a zui uh hi.
37 Tua laitakin nakpi takin huihpi hong nung a, tuihual hong omin gunkuang sungah tui hong dim dektak hi.
38 Jesuh pen gunkuang nunglamah lukham khamin ihmu-in a om hi. A nungzuite in amah phongin, "Sia aw, kote sita le ung phamawh hong salo na hi hiam?" a ci uh hi.
39 Jesuh zong tho-in, "Nung nawn kei in," ci-in huihpi thu pia a, tuihualte kiangah, "Kilok nawn kei un," a ci hi. Tua ciangin huihnung khawlin dai khipkhep pah hi.
40 Tua ciangin Jesuh in a nungzuite kiangah, "Bang hangin lau na hi uh hiam? Tu ciangdong upna nei nailo na hi uh hiam?" a ci hi.
HUANG KAAN
November 4
Nipi Khuavaak
HUANG KAAN
SIMDING:
Rom 12:14-21
Na galte agil akial ciangin a neek ding an pia in; adang ataak leh tui pia in. ––Paunak 25:21
KUMTAWN LAI SIANGTHO:
Jeremiah 32-33
Hebru 1
Sgt. Richard Kirkland pen 1861-1865 sunga piang US Tualgal ah galkap nasem khat ahi hi. Kumpi in Marye’s Heights-te Fredericksburg galphual ah a lelh tak ciangin galkap aliam abaite tuaci bangin kitheh-thaang zeekzuuk hi. Kirkland in tuate huhna khuan ngah hi. Tuithawl kaikhawmin, galkapte kingap theih nading suang nangawn zong tawm cih bangin buai mahmah hi. Tua bangin hanciamin a sepna a galte in amuh ciangin omkhong thei tuanlo-in va huh hi.
Eite in galphual ah i galte tawh a kimu hileng, aliam abaaite i hici koih kha lel dinga amau le amau natna, dongtuakna teng huh ding neilo-in koihdak kha thei hihang. I buai luat manin a kahna awte za kha lo-in, eite huh ding, hehnep ding, lam-etna piak ding cihte ngenin om uh hi.
Kirkland in tua banga ahuh ciangin Jesuh hong gen “Na galte na it un” (Matt.5:44) cih pen a tangtungsak ahi hi. Paul in zong Paunak 25:21 sunga mah etteh-in: “Na galte agil akial ciangin an pia in; adang akeu ciangin tui pia in” (Rom. 12:20) ci hi. “Siatna kizosak kei unla, siatna pen hoihna tawh zo un” (tg. 21) ci-in genbeh hi.
Paul in Sgt. Kirkland’ gamtat bangin gamtat ding hong hilh hipah hi. Tuhun ciangin ki-umna huangte kantan-in huh ding a kilawm midangte Pasian’ thu tawh i hehnep ding ahi hi.–Randy Kilgore
Topa, ka sepzawhlohna mun nangawn ah
tung nuam ing. Tha hong guan inla
Na itna a thangsak dingin hong huh in.
Leitung munkiu khat panin Nang ading nasem nuam ing.
Pahtaakna a thanem laitak hehpih theihna thakhauhsak in. – Samuel Johnson
Nipi Khuavaak
HUANG KAAN
SIMDING:
Rom 12:14-21
Na galte agil akial ciangin a neek ding an pia in; adang ataak leh tui pia in. ––Paunak 25:21
KUMTAWN LAI SIANGTHO:
Jeremiah 32-33
Hebru 1
Sgt. Richard Kirkland pen 1861-1865 sunga piang US Tualgal ah galkap nasem khat ahi hi. Kumpi in Marye’s Heights-te Fredericksburg galphual ah a lelh tak ciangin galkap aliam abaite tuaci bangin kitheh-thaang zeekzuuk hi. Kirkland in tuate huhna khuan ngah hi. Tuithawl kaikhawmin, galkapte kingap theih nading suang nangawn zong tawm cih bangin buai mahmah hi. Tua bangin hanciamin a sepna a galte in amuh ciangin omkhong thei tuanlo-in va huh hi.
Eite in galphual ah i galte tawh a kimu hileng, aliam abaaite i hici koih kha lel dinga amau le amau natna, dongtuakna teng huh ding neilo-in koihdak kha thei hihang. I buai luat manin a kahna awte za kha lo-in, eite huh ding, hehnep ding, lam-etna piak ding cihte ngenin om uh hi.
Kirkland in tua banga ahuh ciangin Jesuh hong gen “Na galte na it un” (Matt.5:44) cih pen a tangtungsak ahi hi. Paul in zong Paunak 25:21 sunga mah etteh-in: “Na galte agil akial ciangin an pia in; adang akeu ciangin tui pia in” (Rom. 12:20) ci hi. “Siatna kizosak kei unla, siatna pen hoihna tawh zo un” (tg. 21) ci-in genbeh hi.
Paul in Sgt. Kirkland’ gamtat bangin gamtat ding hong hilh hipah hi. Tuhun ciangin ki-umna huangte kantan-in huh ding a kilawm midangte Pasian’ thu tawh i hehnep ding ahi hi.–Randy Kilgore
Topa, ka sepzawhlohna mun nangawn ah
tung nuam ing. Tha hong guan inla
Na itna a thangsak dingin hong huh in.
Leitung munkiu khat panin Nang ading nasem nuam ing.
Pahtaakna a thanem laitak hehpih theihna thakhauhsak in. – Samuel Johnson
OM HIIT-HIAT
November 3
Nipi
OM HIIT-HIAT
SIMDING:
Late 46
Om hiit-hiat inla Pasian ka hihlam phawk in; minamte tungah kong lamto dinga, leitung mun khempeuh ah ka minthanna kizeel
ding hi. ––Late 46:10
KUMTAWN LAI SIANGTHO:
Jeremiah 30-31
Philemon
Eric Liddell in 1924 kumin Paris Olympics ah Chariots of Fire cih video tawh kham pahtawina ngah hi. Tua zawh a sawtlo-in Sengam ah missionary-in pai hi. Galpi Nihna hun sungin Liddell in a innkuanpihte Canada ah paisakin amah ahih leh, Sengam mah-ah omlai hi. A sawtlo-in gamdang missionary-te a kimat ciangin Japan thonginn sung tung uh hi. Tua banga a om kha tampi khit ciangin khuak natna a ngahloh nadingin thu vaihawm hi.
Nipi Ni nitaak lam simin tua thonginn gei-ah tumging tumte hong pai theizel uha, ni khat Liddell in “Be Still, My Soul” cih lapi tum ding ngen hi. Tua la sungah: Ka kha aw, lungnuam hiit-hiat in: ahun hong nai tektek ven/Topa tawh i omkhop ding./ Dahna, lungkhamna hong theng ta ding,/ Lungkiatna mangngilh ta-in, itna hong phulkhia ding,/ Ka kha aw, lungnuam
hiit-hiat in: hun le khituite’n hong kheng lel ding/Lungmuang tak tawh thupha gam-ah i kimu ding.
Tua la in a sih ding ni (3) bek asam Liddell’ hehnem-in, Lai Siangtho hong hilh thumante hilh hi. Late 46:10 ah David in “Om hiit-hiat inla Pasian ka hihlam phawk in” ci hi. Khuazing sung nangawn-ah i tawldam thei hi, Topa in eite taang dingin sihna zozo hi. Lungnuam hiit-hiat in, na launa teng Amah ko in.___Bill Crowder
Ka kha uh a tawldam theihna’ng Topa hong hilh in.
Haksatnate lungduai takin ka thuaksiam na’ng,
Nong lampina le huhnate ka theihsiam den na’ng,
Kote tungah A thuman Pasian na hihlam kong thei hi.
Pasian’ hehnepna kammal in haksatna vengsak thei hi.
Nipi
OM HIIT-HIAT
SIMDING:
Late 46
Om hiit-hiat inla Pasian ka hihlam phawk in; minamte tungah kong lamto dinga, leitung mun khempeuh ah ka minthanna kizeel
ding hi. ––Late 46:10
KUMTAWN LAI SIANGTHO:
Jeremiah 30-31
Philemon
Eric Liddell in 1924 kumin Paris Olympics ah Chariots of Fire cih video tawh kham pahtawina ngah hi. Tua zawh a sawtlo-in Sengam ah missionary-in pai hi. Galpi Nihna hun sungin Liddell in a innkuanpihte Canada ah paisakin amah ahih leh, Sengam mah-ah omlai hi. A sawtlo-in gamdang missionary-te a kimat ciangin Japan thonginn sung tung uh hi. Tua banga a om kha tampi khit ciangin khuak natna a ngahloh nadingin thu vaihawm hi.
Nipi Ni nitaak lam simin tua thonginn gei-ah tumging tumte hong pai theizel uha, ni khat Liddell in “Be Still, My Soul” cih lapi tum ding ngen hi. Tua la sungah: Ka kha aw, lungnuam hiit-hiat in: ahun hong nai tektek ven/Topa tawh i omkhop ding./ Dahna, lungkhamna hong theng ta ding,/ Lungkiatna mangngilh ta-in, itna hong phulkhia ding,/ Ka kha aw, lungnuam
hiit-hiat in: hun le khituite’n hong kheng lel ding/Lungmuang tak tawh thupha gam-ah i kimu ding.
Tua la in a sih ding ni (3) bek asam Liddell’ hehnem-in, Lai Siangtho hong hilh thumante hilh hi. Late 46:10 ah David in “Om hiit-hiat inla Pasian ka hihlam phawk in” ci hi. Khuazing sung nangawn-ah i tawldam thei hi, Topa in eite taang dingin sihna zozo hi. Lungnuam hiit-hiat in, na launa teng Amah ko in.___Bill Crowder
Ka kha uh a tawldam theihna’ng Topa hong hilh in.
Haksatnate lungduai takin ka thuaksiam na’ng,
Nong lampina le huhnate ka theihsiam den na’ng,
Kote tungah A thuman Pasian na hihlam kong thei hi.
Pasian’ hehnepna kammal in haksatna vengsak thei hi.
Subscribe to:
Posts (Atom)