Nisim Thalakna: BANG TAN SAWT DING?
October 19
Kigin Ni
BANG TAN SAWT DING?
SIMDING:
Late 13
Topa, bang hun dong hong mangngilh ding na hiam?__Late 92:1413:1
KUMTAWN LAI SIANGTHO:
Isaiah 56-58
2 Thessalonika 2
Kum kua sung Saul in David “Mual le guam-ah gamsa bangin beng hi” (1 Sam. 26:20). “Bang tanvei sawt ding? Topa, Nang hong mangngilh na hiam?” “Na mai bang hun dong seelsim ding na hiam?... Ka galte kei tungah bang tan kisial ding uh hiam?” (Late 13:1-2).
Sawtvei i thuak natna in eite hong lungkia theisak mahmah hi. A deihna i telnuam paha, bawlpha ziau leng i utpah hi. Pawl khatte kibawlpha thei nawnlo-a, tuate i thuak tentan kul kul hi.
Topa tungah i thuaknate i gen khia thei hi. Tua haksatna kawmkal ah Amah i tel ding hong deih hi. Midang’ sep theihloh khat a semzo dingin hong lam-en hi.
Ama kiangah i lungkhamna tawh i zuat ciang, theihtelna khat i nei thei hi. David tungtang-ah Pasian’ itna taktak mukha a, tua in lungmuanna pia hi. David in amah le amah: “Nong hehpihna ka muanga; Nong hotkhiatna sungah ka kipaak hi. Topa ka phat dinga, Amah in tampi tak hong sepsak khinzo hi” (tg.5-6) kici hi. Thuakna pen om den ding hi-a, tua kawmkal-ah David in lasa zo lai hi. Pasian’ it ta ahihlam kithei hi. Tua thu a theihtel ding kisam masa hi.
A.W.Thorold in, “Kha nuntakna ah a thupi pen in khuazing sung nangawn-ah lungdam ding cih sangin, tua kawmkal-ah Topa i lungsim tak tawh muan ding hizaw hi,” ci hi.
Haksatna sung-ah, Pasian’ itna i muang hi.–David Roper
Oh Amah hong cing, kei’n ka thei;
Ka dahna in Ama’ lungtang va sukha veh;
Dahna kahna tawh kidimin, zankhua a sawt ciang,
Amah’n kei hong cing den hi!__Graeff
Na khempeuh a kisia zongin Pasian’ itna kip den hi.
Kigin Ni
BANG TAN SAWT DING?
SIMDING:
Late 13
Topa, bang hun dong hong mangngilh ding na hiam?__Late 92:1413:1
KUMTAWN LAI SIANGTHO:
Isaiah 56-58
2 Thessalonika 2
Kum kua sung Saul in David “Mual le guam-ah gamsa bangin beng hi” (1 Sam. 26:20). “Bang tanvei sawt ding? Topa, Nang hong mangngilh na hiam?” “Na mai bang hun dong seelsim ding na hiam?... Ka galte kei tungah bang tan kisial ding uh hiam?” (Late 13:1-2).
Sawtvei i thuak natna in eite hong lungkia theisak mahmah hi. A deihna i telnuam paha, bawlpha ziau leng i utpah hi. Pawl khatte kibawlpha thei nawnlo-a, tuate i thuak tentan kul kul hi.
Topa tungah i thuaknate i gen khia thei hi. Tua haksatna kawmkal ah Amah i tel ding hong deih hi. Midang’ sep theihloh khat a semzo dingin hong lam-en hi.
Ama kiangah i lungkhamna tawh i zuat ciang, theihtelna khat i nei thei hi. David tungtang-ah Pasian’ itna taktak mukha a, tua in lungmuanna pia hi. David in amah le amah: “Nong hehpihna ka muanga; Nong hotkhiatna sungah ka kipaak hi. Topa ka phat dinga, Amah in tampi tak hong sepsak khinzo hi” (tg.5-6) kici hi. Thuakna pen om den ding hi-a, tua kawmkal-ah David in lasa zo lai hi. Pasian’ it ta ahihlam kithei hi. Tua thu a theihtel ding kisam masa hi.
A.W.Thorold in, “Kha nuntakna ah a thupi pen in khuazing sung nangawn-ah lungdam ding cih sangin, tua kawmkal-ah Topa i lungsim tak tawh muan ding hizaw hi,” ci hi.
Haksatna sung-ah, Pasian’ itna i muang hi.–David Roper
Oh Amah hong cing, kei’n ka thei;
Ka dahna in Ama’ lungtang va sukha veh;
Dahna kahna tawh kidimin, zankhua a sawt ciang,
Amah’n kei hong cing den hi!__Graeff
Na khempeuh a kisia zongin Pasian’ itna kip den hi.
Nisim Thalakna: TAWPNA?
October 18
Ninga
TAWPNA?
SIMDING:
1 Korin 15:50-58
I Topa Jesuh Khris hangin gualzawhna a hong pia Pasian tungah i lungdam hi. _1 Korin 15:57
KUMTAWN LAI SIANGTHO:
Isaiah 53-55
2 Thessalonika 1
Na khempeuh ii beihun hong tuntak ciang, i lungsim hawm hi. Tua pen laibu hoih simnop mahmah khat a bei ciangin tawp nuam takei lehang, a tawp tawh kibang hi. Video khui en-in tawp munuam lai pi mah, a man tawh kibang hi.
Na hoih, hoihlo khempeuh pen “Tawpna” hun hong tung ngeingei ding hi. A taktakin nuntakna pen tawpna hun lamah a kizuan hi-a, i lam-et sangin hong tungbaihzaw theilai hi. I it khat in hong nusia-in a hankuang nai-ah a om eite in zong tua bangin hong hi nai keileh, i deih hun tamveipi hi.
A lungdam huai-ah, Jesuh in tua bang tawpna hun pen a sihna le thawhkikna tawh lam-etna dim nuntakna hong lak hi. Ama’ sungah, “tawpna” pen sih nawnlohna hi-a, a kammal “ka zozo hi” acihna pen “tawntung dong” cih lungnopna mun-ah hong kha hi. I pumpi pen tawntung ading hilo-a, Paul in “i kikheng ding” (1 Kor. 15:51) na ci hi. Khris’ zawhna hangin eite in, “Sihna aw... na zawhna koi-ah om hiam?” (tg. 55) i ci ding hi.
Na lungbuai nawn kei in. I dah hun ding pen hong tung ngeingei dinga, ahi zong Pasian in eite “Jesuh Khris tawh zawhna hong piak” (tg. 57) nungsang i lungdam ding ahi hi. – Joe Stowell
Topa, leitung tomvei lungdamna sung le dahna sungah ka buai nawnloh nading hong kem in. Nangma’ tawntung nopna hong sangsiam sak ta in. Nong sihna le thawhkikna hangin ka mailam uh khuavak den hi.
Khris ah “atawpna” cih pen kipatna hipan hi.
Ninga
TAWPNA?
SIMDING:
1 Korin 15:50-58
I Topa Jesuh Khris hangin gualzawhna a hong pia Pasian tungah i lungdam hi. _1 Korin 15:57
KUMTAWN LAI SIANGTHO:
Isaiah 53-55
2 Thessalonika 1
Na khempeuh ii beihun hong tuntak ciang, i lungsim hawm hi. Tua pen laibu hoih simnop mahmah khat a bei ciangin tawp nuam takei lehang, a tawp tawh kibang hi. Video khui en-in tawp munuam lai pi mah, a man tawh kibang hi.
Na hoih, hoihlo khempeuh pen “Tawpna” hun hong tung ngeingei ding hi. A taktakin nuntakna pen tawpna hun lamah a kizuan hi-a, i lam-et sangin hong tungbaihzaw theilai hi. I it khat in hong nusia-in a hankuang nai-ah a om eite in zong tua bangin hong hi nai keileh, i deih hun tamveipi hi.
A lungdam huai-ah, Jesuh in tua bang tawpna hun pen a sihna le thawhkikna tawh lam-etna dim nuntakna hong lak hi. Ama’ sungah, “tawpna” pen sih nawnlohna hi-a, a kammal “ka zozo hi” acihna pen “tawntung dong” cih lungnopna mun-ah hong kha hi. I pumpi pen tawntung ading hilo-a, Paul in “i kikheng ding” (1 Kor. 15:51) na ci hi. Khris’ zawhna hangin eite in, “Sihna aw... na zawhna koi-ah om hiam?” (tg. 55) i ci ding hi.
Na lungbuai nawn kei in. I dah hun ding pen hong tung ngeingei dinga, ahi zong Pasian in eite “Jesuh Khris tawh zawhna hong piak” (tg. 57) nungsang i lungdam ding ahi hi. – Joe Stowell
Topa, leitung tomvei lungdamna sung le dahna sungah ka buai nawnloh nading hong kem in. Nangma’ tawntung nopna hong sangsiam sak ta in. Nong sihna le thawhkikna hangin ka mailam uh khuavak den hi.
Khris ah “atawpna” cih pen kipatna hipan hi.
Nisim Thalakna: KHAKTANNA NEILO ITNA
October 17
Nili
KHAKTANNA NEILO ITNA
SIMDING:
Matthai 23:37-39
Jerusalem aw, Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.__Matthai 23:37
KUMTAWN LAI SIANGTHO:
Isaiah 50-52
1 Thessalonika 5
Asawt nailo hunin ka veengte’ inn pan vasa ham zakzak khat ka za kha laizang hi. Tua pen a kawm lak panin hong gingkhia vasa note’ ham hi-a, a pi in an a piak theihloh nadingin singpeek tawh kidal se hi. Ka veengte kiang ka gen ciangin, amaute in zong tua a dalna lakhia uha, a pi in nuamtakin anpia thei hi.
Midangte’ i it theih ding zah i it theihloh nading hong khaktan khat om hi. Taanglai peka a kilam-en Khris, leitung-ah hong pai ciangin amite’n na sanglo uh hi. Tua ahih manin akpi in a note’ an pia nuam napi’n a sang nuamlo tawh genteh a: “Jerusalem, Jerusalem...! Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi” (Matt. 23:37) ci hi.
I mawhna in Pasian tawh hong kigamla sak hi (Isa. 59:2). Ahi zongin “Pasian in leitung mite hong it mahmah ahih manin Ama’ Tap neihsun hong piak dongin a itna hong lak hi. Tua Tapa a ummi peuhmah kisialo-in tawntung nuntakna ngah ding uh hi” (Johan 3:16). Jesuh in kidalna khempeuh a susia dingin itna tak tawh Singlamteh tung sih ding teel hi (Rom. 5:8-17; 8:11). Tu-in ahih leh, Ama’ itna le hong piakkhong lungdamna hong theisak nuamlua hi.__Dennis Fisher
Jesuh’ thu ka ngaihsut ciang ka lung hong tho,
Ama’ min tawh kol kihente suakta zo;
Tua min mah tawh nuntakna ka ngah,
Tua minlo adang muzo tuan keng.___Eliason
Singlamteh tungtawnin Jesuh in eite hong hondam hi.
Nili
KHAKTANNA NEILO ITNA
SIMDING:
Matthai 23:37-39
Jerusalem aw, Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.__Matthai 23:37
KUMTAWN LAI SIANGTHO:
Isaiah 50-52
1 Thessalonika 5
Asawt nailo hunin ka veengte’ inn pan vasa ham zakzak khat ka za kha laizang hi. Tua pen a kawm lak panin hong gingkhia vasa note’ ham hi-a, a pi in an a piak theihloh nadingin singpeek tawh kidal se hi. Ka veengte kiang ka gen ciangin, amaute in zong tua a dalna lakhia uha, a pi in nuamtakin anpia thei hi.
Midangte’ i it theih ding zah i it theihloh nading hong khaktan khat om hi. Taanglai peka a kilam-en Khris, leitung-ah hong pai ciangin amite’n na sanglo uh hi. Tua ahih manin akpi in a note’ an pia nuam napi’n a sang nuamlo tawh genteh a: “Jerusalem, Jerusalem...! Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi” (Matt. 23:37) ci hi.
I mawhna in Pasian tawh hong kigamla sak hi (Isa. 59:2). Ahi zongin “Pasian in leitung mite hong it mahmah ahih manin Ama’ Tap neihsun hong piak dongin a itna hong lak hi. Tua Tapa a ummi peuhmah kisialo-in tawntung nuntakna ngah ding uh hi” (Johan 3:16). Jesuh in kidalna khempeuh a susia dingin itna tak tawh Singlamteh tung sih ding teel hi (Rom. 5:8-17; 8:11). Tu-in ahih leh, Ama’ itna le hong piakkhong lungdamna hong theisak nuamlua hi.__Dennis Fisher
Jesuh’ thu ka ngaihsut ciang ka lung hong tho,
Ama’ min tawh kol kihente suakta zo;
Tua min mah tawh nuntakna ka ngah,
Tua minlo adang muzo tuan keng.___Eliason
Singlamteh tungtawnin Jesuh in eite hong hondam hi.
Nisim Thalakna: COADE SUANG
October 16
Nilai
COADE SUANG
SIMDING:
1 Peter 2:1-10
Mite in bangmah kimanglo hi, ci-in a nilkhiat hangin Pasian in a manpha hi ci-in a teel, nuntakna a piathei suangpi ahi Topa kiangah na pai un. __1 Peter 2:4
KUMTAWN LAI SIANGTHO:
Isaiah 47-49
1 Thessalonika 4
London khua sungah, Coade kici suang nam khat pen lim le na tuamtuam-te bawl nadingin kizang hi. Eleanor Coade in innsung vanzat dingin 1700 kiima a bawl hi-a, tua suang pen kisia theilo-in kum tampi sung guahzu, nisa le khuahun tuamtuam in zong susia zolo hi. Ahi zongin 1840 kiim pawl tak ciangin Coade suangsite pen min ngah nawnlo-in Portland in mun hong luahta hi. Tua kawmkal-ah tua bang suangsite tawh kibawl nate kum tampi a sawt khit hangin tu dong mah kip takin om gige lai hi.
Nungzui Peter in Jesuh pen a nungta suang hi, ci-in gen hi. Amah in “Mite in bangmah kimanglo hi, ci-in a nilkhiat hangin Pasian in a manpha hi, ci-in a teel nuntakna a piathei suangpi ahi Topa kiangah na pai un” (1 Peter 2:4-5). Pa’ mit ah a thupi suangpi pen eite’ hotkhiatna lim hi. I pa in tua suang tungah eite hotkhiatna le nuntakna bulpi kipsak hi (1 Kor. 3:11).
I nuntakna pen tua suangpi tungah kilam-in leitung haksatna a thuakzo dingin ama’ thahatna sungah zungkha hi.–– Bill Crowder
Keima ka muanna a bulpi,
Jesuh’ si le siangthona hi,
A dang thu teng ka um ngam kei,
Jesuh a min bek ka um thei.–Mote
Khang Suangpi tawh kinai takin om peuh leng, lau ding bangmah omlo hi.
Nilai
COADE SUANG
SIMDING:
1 Peter 2:1-10
Mite in bangmah kimanglo hi, ci-in a nilkhiat hangin Pasian in a manpha hi ci-in a teel, nuntakna a piathei suangpi ahi Topa kiangah na pai un. __1 Peter 2:4
KUMTAWN LAI SIANGTHO:
Isaiah 47-49
1 Thessalonika 4
London khua sungah, Coade kici suang nam khat pen lim le na tuamtuam-te bawl nadingin kizang hi. Eleanor Coade in innsung vanzat dingin 1700 kiima a bawl hi-a, tua suang pen kisia theilo-in kum tampi sung guahzu, nisa le khuahun tuamtuam in zong susia zolo hi. Ahi zongin 1840 kiim pawl tak ciangin Coade suangsite pen min ngah nawnlo-in Portland in mun hong luahta hi. Tua kawmkal-ah tua bang suangsite tawh kibawl nate kum tampi a sawt khit hangin tu dong mah kip takin om gige lai hi.
Nungzui Peter in Jesuh pen a nungta suang hi, ci-in gen hi. Amah in “Mite in bangmah kimanglo hi, ci-in a nilkhiat hangin Pasian in a manpha hi, ci-in a teel nuntakna a piathei suangpi ahi Topa kiangah na pai un” (1 Peter 2:4-5). Pa’ mit ah a thupi suangpi pen eite’ hotkhiatna lim hi. I pa in tua suang tungah eite hotkhiatna le nuntakna bulpi kipsak hi (1 Kor. 3:11).
I nuntakna pen tua suangpi tungah kilam-in leitung haksatna a thuakzo dingin ama’ thahatna sungah zungkha hi.–– Bill Crowder
Keima ka muanna a bulpi,
Jesuh’ si le siangthona hi,
A dang thu teng ka um ngam kei,
Jesuh a min bek ka um thei.–Mote
Khang Suangpi tawh kinai takin om peuh leng, lau ding bangmah omlo hi.
Nisim Thalakna: NAUPANG’ NGAIHSUT
October 15
Ninih
NAUPANG’ NGAIHSUT
SIMDING:
Late 8
Naungeekte le naupangte kam tawh Nangma’ vangliatna kipulaak hi.__Late 8:2
KUMTAWN LAI SIANGTHO:
Isaiah 45-46
1 Thessalonika 3
Tuma kum khat lai-in naupang note, zing le thai-ah Jesuh’ tokhom mai-ah kilaak ding hi le uh cin, bang pen thei nuamin dong ding, ka ci hi. Tua dotna mah uliante zong ka dong hi. Naupangte’ dotna pen upmawh loh le ngaihsut thamlo ciang dong huam hi: “Vantung gam ah nisimin puanpi tawh tu-in lasa den ding ihiam? Ka uipi vantung ah a om diam? Ngasapite tuipi sungmah ah om diam? Ka pu in bang hih ding hiam?” Amau’ dotnate pen vantung gam omtakpi hiam, ahih keileh Pasian’ vang bangzah lian hiam, cihte hilo hi.
Uliante leuleu ciangin, “Bang hangin midikte’ tungah thusia piang thei sese hiam? Nang in kote’ thunget nong ngaih lam, bangci theih ding ka hi uh hiam? Bang hangin Nang kiang tun theih nading lampi khat bek omse hiam? Itna nei Pasian in kei tungah banghang siatna piangsak se hiam?” cih teng khawng dong ngeingai uh hi.
Hici et leng, naupangte pen uliante’ patauh zahin patau lo uh hi, cih hong musak hi. Amau’ upna in Pasian pen sangzo pahpah lel uh hi. Ulian ahi eite dahna le haksatna i tuah laitak, naupangte in ahih leh Late’ laphuakpa bangin Pasian’ vangliatna muhsa-in nei uh hi (Late 8:1-2).
Pasian pen muan taak-a, naupangte in a muan bangun muan takpi ding ahi hi (Matt. 18:3). – Randy Kilgore
Topa, naupangte’ ngaihsut bangin ka lungsim uh siangthona tawh hong kidimsak ta in. Nangmah hong theinuam zawsem ung. Nang mah bek hong muangsak in.
Pasian tawh i tonkhop ciang tuni’ haksatna kimu lo-in tawntung gualzawhna i galmuh thei hi.
Ninih
NAUPANG’ NGAIHSUT
SIMDING:
Late 8
Naungeekte le naupangte kam tawh Nangma’ vangliatna kipulaak hi.__Late 8:2
KUMTAWN LAI SIANGTHO:
Isaiah 45-46
1 Thessalonika 3
Tuma kum khat lai-in naupang note, zing le thai-ah Jesuh’ tokhom mai-ah kilaak ding hi le uh cin, bang pen thei nuamin dong ding, ka ci hi. Tua dotna mah uliante zong ka dong hi. Naupangte’ dotna pen upmawh loh le ngaihsut thamlo ciang dong huam hi: “Vantung gam ah nisimin puanpi tawh tu-in lasa den ding ihiam? Ka uipi vantung ah a om diam? Ngasapite tuipi sungmah ah om diam? Ka pu in bang hih ding hiam?” Amau’ dotnate pen vantung gam omtakpi hiam, ahih keileh Pasian’ vang bangzah lian hiam, cihte hilo hi.
Uliante leuleu ciangin, “Bang hangin midikte’ tungah thusia piang thei sese hiam? Nang in kote’ thunget nong ngaih lam, bangci theih ding ka hi uh hiam? Bang hangin Nang kiang tun theih nading lampi khat bek omse hiam? Itna nei Pasian in kei tungah banghang siatna piangsak se hiam?” cih teng khawng dong ngeingai uh hi.
Hici et leng, naupangte pen uliante’ patauh zahin patau lo uh hi, cih hong musak hi. Amau’ upna in Pasian pen sangzo pahpah lel uh hi. Ulian ahi eite dahna le haksatna i tuah laitak, naupangte in ahih leh Late’ laphuakpa bangin Pasian’ vangliatna muhsa-in nei uh hi (Late 8:1-2).
Pasian pen muan taak-a, naupangte in a muan bangun muan takpi ding ahi hi (Matt. 18:3). – Randy Kilgore
Topa, naupangte’ ngaihsut bangin ka lungsim uh siangthona tawh hong kidimsak ta in. Nangmah hong theinuam zawsem ung. Nang mah bek hong muangsak in.
Pasian tawh i tonkhop ciang tuni’ haksatna kimu lo-in tawntung gualzawhna i galmuh thei hi.
Biakinn sumpi apna leh donna ~ Upa Pau Khan Thang
 |
| Biakinn sumpi apna leh donna ~ Upa Pau Khan Thang (13 Oct 13) |
Nisim Thalakna: KHAICI & LEITANGH
October 14
Nipi Khuavaak
KHAICI & LEITANGH
SIMDING:
Matthai 13:1-9
Pasian theihna le Jesuh Khris’ hehpihna ah khangcing ta un.__2 Peter 3:18
KUMTAWN LAI SIANGTHO:
Isaiah 43-44
1 Thessalonika 2
Maai gah na ciin nopleh, Atlantic Giant aa kizuak maai ci-te deih mahmah niteh. Tua khaiciite pen Atlantic Canada aa lote pan kiciing hi-a, leitung mun tuamtuam ah minthang mahmah hi. 2011 kumin Quebec aa kimu maai gah khat pound 1,818.5 gik hi. Tua cia khat in moh pheeng tul vaal bang cinzo mawk hi!
Thu kantelte in bang hang tua ciacia pha thei hiam, ci-in a dot uh ciangin lokhopa in lei tawh kizui hi, ci-in dawng hi. A ci ahihleh a pumgolte hi-a, ahi zongin tua ciacia aphak nadingin a lei a hoih mahmah kul hi.
Topa Jesuh in Pasian’ kammal za-a nuntakna tawh a lahkikna pen, mun tuamtuam tawh na genteh hi (Matt. 13). Khaici pawlkhatte vasa in ne hi. Pawl khatte po napi’n kiak in deep gawp hi. Pawl khatte leuleu po napi’n a khantoh nading leihoih omlo hi. Leihoihna aa khaici pen gah gahin: azah zatkhat, sawm guk, sawm thum dong khang hi” (tg. 8).
Eite in i kidot ding thu ah, “Kei bangci leitangh ka hiam?” Pasian in eite’ sungah Ama’ khaici hong tuh nuam a, Amah i theihna hong khangsak nuam hi.__Brent Hackett
Jesuh thu ke’n sinsin nuam ing,
A deihna khentel thei nuam ing,
Pasian’ Kha Siangtho ka Siapa’n,
Khris’ zia le tong hong lak khia ta’n.__Hewitt
Kha Siangtho gah pen thu a mang leitangh ah khangto hi.
Nipi Khuavaak
KHAICI & LEITANGH
SIMDING:
Matthai 13:1-9
Pasian theihna le Jesuh Khris’ hehpihna ah khangcing ta un.__2 Peter 3:18
KUMTAWN LAI SIANGTHO:
Isaiah 43-44
1 Thessalonika 2
Maai gah na ciin nopleh, Atlantic Giant aa kizuak maai ci-te deih mahmah niteh. Tua khaiciite pen Atlantic Canada aa lote pan kiciing hi-a, leitung mun tuamtuam ah minthang mahmah hi. 2011 kumin Quebec aa kimu maai gah khat pound 1,818.5 gik hi. Tua cia khat in moh pheeng tul vaal bang cinzo mawk hi!
Thu kantelte in bang hang tua ciacia pha thei hiam, ci-in a dot uh ciangin lokhopa in lei tawh kizui hi, ci-in dawng hi. A ci ahihleh a pumgolte hi-a, ahi zongin tua ciacia aphak nadingin a lei a hoih mahmah kul hi.
Topa Jesuh in Pasian’ kammal za-a nuntakna tawh a lahkikna pen, mun tuamtuam tawh na genteh hi (Matt. 13). Khaici pawlkhatte vasa in ne hi. Pawl khatte po napi’n kiak in deep gawp hi. Pawl khatte leuleu po napi’n a khantoh nading leihoih omlo hi. Leihoihna aa khaici pen gah gahin: azah zatkhat, sawm guk, sawm thum dong khang hi” (tg. 8).
Eite in i kidot ding thu ah, “Kei bangci leitangh ka hiam?” Pasian in eite’ sungah Ama’ khaici hong tuh nuam a, Amah i theihna hong khangsak nuam hi.__Brent Hackett
Jesuh thu ke’n sinsin nuam ing,
A deihna khentel thei nuam ing,
Pasian’ Kha Siangtho ka Siapa’n,
Khris’ zia le tong hong lak khia ta’n.__Hewitt
Kha Siangtho gah pen thu a mang leitangh ah khangto hi.
Nisim Thalakna: A BEISA HUNTE
October 13
Nipi ni
A BEISA HUNTE
SIMDING:
Sawltak 9:20-30
Nungzuite tawh kipawlkhop ding a hanciam hangin amaute a man ding sa ahih manin amaute in um ngamlo uh hi.__Sawltak 9:26
KUMTAWN LAI SIANGTHO:
Isaiah 41-42
1 Thessalonika 1
Thonginn thunget khopna a phuankhia Chuck Colson in kum (40) sung Jesuh Khris’ thu genkhiatna hunin zang hi. 2012 April kha-in hong nusiat taktak ciang, thu kizaakna lai khat sungah: “Charles Colson acih Nixon’ thusia bawlpa in kum 80 -in si hi” ci-in kigelh hi. Tua bang upna lam-ah a thahat mahmah mi khat pen, Khris a theihma a beisa ama’ tatkhialhna tungtawnin thu a khen uh lamdang ka sa gige hi.
Sawltak Paul ii pianthakna le a genkhiat thute pen uplahna le launa tawh mite in muangmawh uh hi. Jesuh in Pasian’ Tapa hi, ci-in a tangko ciangin, mite in “Tua banga tangko mite a bawlsiapa amah ngei mah hilo hiam, tua bang a genkhiat nading bang thu ngah ahiam?” (Sawltak 9:21) ci uh hi. Paul, Jerusalem ah pai-in nungzuite a va pawlkhop ciangin amaute in kihta sim pian uh hi (tg. 26). Paul in ama’ nunglam thu kimangngilh bawllo-in, Pasian’ hong hehpihna bekbek hi (1 Tim. 1:13-14) ci hi.
Paul in i nuntakna lui sunga thupiangte nelhsiah tuanlo-in, a pianglo bangin omloh ding hong theisak hi. Tua a beisa siatnate hangin Pasian tungah lungdamna ko-in, a beisa hunte hong kimaisakna, tuhun zong a thakin a kikheelna, le hong tung lai ding hunte zong lam-etna tawh Topa’n hong kidimsak ahihna i mu ding hi.– David McCasland
Itna lian tawh hong kikheelsak,
Vangliatna Nang aa hi;
Nang’ deih bang, Topa
Kote ka tawlnga hit-hiat theita. –Burroughs
Jesuh bek in i nuntakna hong kheel thei hi.
Nipi ni
A BEISA HUNTE
SIMDING:
Sawltak 9:20-30
Nungzuite tawh kipawlkhop ding a hanciam hangin amaute a man ding sa ahih manin amaute in um ngamlo uh hi.__Sawltak 9:26
KUMTAWN LAI SIANGTHO:
Isaiah 41-42
1 Thessalonika 1
Thonginn thunget khopna a phuankhia Chuck Colson in kum (40) sung Jesuh Khris’ thu genkhiatna hunin zang hi. 2012 April kha-in hong nusiat taktak ciang, thu kizaakna lai khat sungah: “Charles Colson acih Nixon’ thusia bawlpa in kum 80 -in si hi” ci-in kigelh hi. Tua bang upna lam-ah a thahat mahmah mi khat pen, Khris a theihma a beisa ama’ tatkhialhna tungtawnin thu a khen uh lamdang ka sa gige hi.
Sawltak Paul ii pianthakna le a genkhiat thute pen uplahna le launa tawh mite in muangmawh uh hi. Jesuh in Pasian’ Tapa hi, ci-in a tangko ciangin, mite in “Tua banga tangko mite a bawlsiapa amah ngei mah hilo hiam, tua bang a genkhiat nading bang thu ngah ahiam?” (Sawltak 9:21) ci uh hi. Paul, Jerusalem ah pai-in nungzuite a va pawlkhop ciangin amaute in kihta sim pian uh hi (tg. 26). Paul in ama’ nunglam thu kimangngilh bawllo-in, Pasian’ hong hehpihna bekbek hi (1 Tim. 1:13-14) ci hi.
Paul in i nuntakna lui sunga thupiangte nelhsiah tuanlo-in, a pianglo bangin omloh ding hong theisak hi. Tua a beisa siatnate hangin Pasian tungah lungdamna ko-in, a beisa hunte hong kimaisakna, tuhun zong a thakin a kikheelna, le hong tung lai ding hunte zong lam-etna tawh Topa’n hong kidimsak ahihna i mu ding hi.– David McCasland
Itna lian tawh hong kikheelsak,
Vangliatna Nang aa hi;
Nang’ deih bang, Topa
Kote ka tawlnga hit-hiat theita. –Burroughs
Jesuh bek in i nuntakna hong kheel thei hi.
Subscribe to:
Posts (Atom)